နိုင်ငံတော်အနေနဲ့ မသန်စွမ်းသူတွေအတွက် သီးသန့်ရံပုံငွေတစ်ရပ်ထူထောင်ဖို့ စီစဉ်နေ

နိုင်ငံတော်အနေနဲ့ မသန်စွမ်းသူတွေအတွက် ဥပဒေ၊ နည်းဥပဒေတွေအပြင် အမျိုးသားအဆင့် ကော်မတီကို ဖွဲ့စည်းထားကာ မသန်စွမ်းသူတွေအတွက် သီးသန့်ရံပုံငွေတစ်ရပ်ထူထောင်ဖို့စီစဉ်နေတယ်လို့ လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာ ၀င်းမြတ်အေး က ပြောပါတယ်။ဒုတိယအကြိမ်အမျိုးသား လွှတ်တော် သတ္တမပုံမှန်အစည်းအဝေးမှာ ဧရာဝတီတိုင်းဒေသကြီး မဲဆန္ဒနယ်အမှတ်(၈)က ဒေါ်အိအိပြုံးက မသန်စွမ်းသူတွေရဲ့ အခွင့်အရေး၊ဥပဒေအရ မသန်စွမ်းသူတွေ အတွက် ဥပဒေရဲ့  အကာအကွယ်ကိုပြည့်ဝစွာ ရရှိရန်နဲ့  သီးသန့်ရန်ပုံငွေ တစ်ရပ်ထူထောင်ပြီး ကူညီဆောင်ရွက်ပေးနိုင်ခြင်းရှိမရှိမေးမြန်းခဲ့တာကို ဒေါက်တာ ၀င်းမြတ်အေးက ပြန်လည်ဖြေကြား ခဲ့တာပါ။ 
 
လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနပြည်ထောင်စုဝန်ကြီး ဒေါက်တာ ၀င်းမြတ်အေးက မြန်မာနိုင်ငံမသန်စွမ်းသူတွေရဲ့ အခွင့်အရေးဆိုင်ရာ အမျိုးသားကော်မတီကို စက်တင်ဘာလ ၁၄ရက်က စတင်ဖွဲ့စည်းခဲ့ပြီး အဲဒီကော်မတီအပါအ၀င် ကော်မတီအဆင့်ဆင့်ဟာ မသန်စွမ်းသူတွေရဲ့ အခွင့်အရေးကို ရေရှည်ကာကွယ်မြှင့်တင် စောင့်ရှောက်နိုင်ဖို့နဲ့ အခွင့်အရေးကိစ်္စတွေ ကိုလဲ ကဏ္ဍစုံဘက်ပေါင်းစုံကနေ ပူးပေါင်းဖြေရှင်း ဆောင်ရွက်နေတယ်လို့ ဆိုပါတယ်။
 
အဆိုရှင်ဖြစ်တဲ့ ဧရာဝတီတိုင်းဒေသကြီး မဲဆန်္ဒနယ်အမှတ်(၈)က ဒေါ်အိအိပြုံးကလည်း လက်ရှိ အစိုးရသစ်လက်ထက်မှာ ပြည်သူလူထုအတွက် သက်ကြီးပင်စင်တွေ ကိုယ်ဝန်ဆောင်အမျိုးသမီးတွေ အတွက် ထောက်ပံ့ရေး အစီအစဉ်တွေ ဆောင်ရွက်ပေးနေပြီး မသန်စွမ်းသူတွေ အတွက် သီးသန့်ရံပုံငွေတစ်ရပ် ထူထောင်ပြီး ဆောင်ရွက်ပေးစေလိုတာကြောင့် မေးမြန်းတာလို့ သိရပါတယ်။ ၂၀၁၄ခုနှစ်လူဦးရေနှင့်အိမ်အကြောင်းအရာသန်ခေါင်းစာရင်းတွေအရ မြန်မာနိုင်ငံလူဦးရေရဲ့ ၂ဒသမ၃ သန်းဟာ မသန်စွမ်းတွေဖြစ်ပြီး မြန်မာနိုင်ငံမှာရှိတဲ့ မသန်စွမ်းတွေရဲ့၅၂ရာခိုင်နှုန်းကျော်ဟာ ကျောင်းမနေခဲ့ရဘူးလို့ သိရပါတယ်။