၂၁ ရာစုပင်လုံညီလာခံ တတိယအကြိမ်အစည်းအဝေးကျင်းပမည့်ရက်ကို ရက်ပိုင်းအတွင်းသိရမည်

ပြည်ထောင်စု ငြိမ်းချမ်းရေးညီလာခံ ၂၁ရာစု ပင်လုံတတိယအကြိမ် အစည်းအဝေးကျင်းပမည့်ရက်ကို နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဦးဆောင်ကာ နိုဝင်ဘာ ၂၄ရက်တွင် ကျင်းပမည့် ပြည်ထောင်စုငြိမ်းချမ်းရေးဆွေးနွေးပူတွဲကော်မတီ အစည်းအဝေးတွင် ဆွေးနွေးမည်ဖြစ်သည်။
 
အစိုးရဘက်က လာမည့်ဒီဇင်ဘာအတွင်း ကျင်းပရန်ဆန္ဒရှိနေပြီး ရက်အတိအကျကို နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်နဲ့ ဒုတိယတပ်မတော်ကာကွယ်ရေးဦးစီးချုပ် ဒုတိယဗိုလ်မှူးချုပ်ကြီးစိုးဝင်းတို့ ပါဝင်သော တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချူပ် အကောင်အထည်ဖော်မှုဆိုင်ရာ ညှိနှိုင်းအစည်းအဝေးတွင် ဆုံးဖြတ်မည်ဖြစ်သည်။