၂၀၁၇-၂၀၁၈ ဘဏ္ဍာနှစ် အောင်ဘာလေထီမှ အခွန်ရရှိမှုနှုန်း ယခင်နှစ်ထက် နှစ်ဆမြင့်တက်

၂၀၁၇-၂၀၁၈ ဘဏ္ဍာနှစ် အောင်ဘာလေထီမှ အခွန်ရရှိမှုနှုန်းမှာ ပြီးခဲ့သည့်နှစ်ထက် နှစ်ဆကျော်မြင့်တက်ခဲ့ကြောင်း ပြည်တွင်းအခွန်များဦးစီးဌာနမှ ဒုတိယညွှန်ကြားရေးမှူး ဒေါ်ဆွေဆွေခိုင်က ပြောဆိုသည်။လူအများစု ပိုမိုစိတ်ဝင်စားလာသည့် အောင်ဘာလေသိန်းထီကို ၂၀၁၈-၂၀၁၉ ဘဏ္ဍာနှစ်တွင် အခွန်ပိုမိုရရှိလာစေရန်အတွက် ကျပ်တစ်ထောင်တန်ထီလက်မှတ်ထပ်မံထုတ်ရန် စီမံ/ဘဏ္ဍာဝန်ကြီးဌာနသို့ တင်ပြထားကြောင်းသိရသည်။၂၀၁၆-၂၀၁၇ဘဏ္ဍာနှစ်တွင် အောင်ဘာလေထီမှ အခွန်ကျပ်ဘီလီယံ ၄၀ရရှိခဲ့ရာမှ ၂၀၁၇-၂၀၁၈ဘဏ္ဍာနှစ်၌  ကျပ်၉၄ဘီလီယံအထိ တိုးမြှင့်ရရှိခဲ့ခြင်းဖြစ်သည်။
 
အောင်ဘာလေသိန်းထီလက်မှတ်တစ်စောင်၏ တရားဝင်သတ်မှတ်တန်ဖိုးမှာ ကျပ်၅၀၀ဖြစ်ပြီးစောင်ရေ (၁၁)စောင်ပါထီတစ်အုပ်လျှင် ကျပ်၅၀၀၀နှုန်းဖြင့် ပြည်တွင်းအခွန်များဦးစီးဌာနက ထီကိုယ်စားလှယ်များအား ရောင်းချပေးလျက်ရှိသည်။သို့ရာတွင် ပြန်လည်ရောင်းချသော ပြင်ပထီဆိုင်အချို့သည် ၀ယ်လိုအားလိုက်၍ ထီတစ်စောင်လျှင် ကျပ်၅၀၀မှ ကျပ်၁၅၀၀ အထိဈေးရှိနေကြောင်းသိရသည်။
 
 
၂၀၁၅-၂၀၁၆ ဘဏ္ဍာနှစ်က အောင်ဘာလေသိန်းထီပေါက်မဲများမှ လာရောက်မထုတ်ယူသည့် ဆုကြေးငွေမှာ စုစုပေါင်းကျပ် ၄ဒဿမ ၃၆ဘီလီယံရှိခဲ့ကြောင်း ပြည်တွင်းအခွန်များဦးစီးဌာနမှတ်တမ်းများအရ သိရသည်။အောင်ဘာလေသိန်းထီလုပ်ငန်းသည် ဥပဒေပုဒ်မ ၆၊နောက်ဆက်တွဲဇယား (ဃ)အရ ကုန်သွယ်လုပ်ငန်းခွန် ကင်းလွတ်ခွင့်ရ လုပ်ငန်းတစ်ခုဖြစ်သည်။
Credit -Myanmar Times Daily