ပြည်သူ့ဘဏ္ဍာအတွင်း ငွေမည်းဝင်မလာအောင်စီစစ်ပြီးမှ အခွန်လက်ခံမည်ဖြစ်၍ မစိုးရိမ်ကြရန် စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီးပြောဆို

ပြည်သူ့ဘဏ္ဍာအတွင်းသို့ ငွေမည်းဝင်မလာအောင်သေချာ စီစစ်ပြီးမှသာ အခွန်အကောက်ကိုလက်ခံမည်ဖြစ်၍ အခွန်အကောက်ဥပဒေပါ ပြဋ္ဌာန်းချက်ကြောင့် ငွေမည်းများဝင်လာမည်လားဟူသော စိုးရိမ်မှုမရှိကြရန် စီမံကိန်းနှင့်ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းက ဧပြီ၂ရက်၌ပြောဆိုသည်။
 
 ဧပြီ၂ရက်က ရန်ကုန်မြို့မြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ်တွင်ပြုလုပ်သည့် နိုင်ငံတော်ဒုတိယသမ္မတ(၁)ဦးဆောင်၍ ပြည်ထောင်စုဝန်ကြီးများနှင့် ပုဂ္ဂလိက ကဏ္ဍကိုယ်စားလှယ်များ (၁၆)ကြိမ်မြောက် ပုံမှန်တွေ့ဆုံဆွေးနွေးပွဲတွင် ၎င်းကယင်းသို့ ပြောကြားခဲ့ခြင်းဖြစ်သည်။
 
ပြီးခဲ့သည့် မတ်၃၀ရက်က ပြည်ထောင်စုလွှတ်တော်မှ ပြည်ထောင်စု၏ အခွန်အကောက်ဥပဒေကို ပြဋ္ဌာန်းခဲ့ပြီး ယင်းဥပဒေအပိုဒ် ၂၅တွင် ပါရှိသည့်အချက်များကြောင့် ငွေမည်းများဝင်လာမည်ကို စိုးရိမ်မှုများရှိနေကြောင်း လူမှုအသိုင်းအ၀ိုင်း သတင်းများထွက်ပေါ်လာသည့်အတွက် စိုးရိမ်ခြင်းမရှိကြရန် ယင်းသို့ပြောကြားခြင်းဖြစ်သည်။