ရွှေတိဂုံစေတီတော်ကို လုံးတော်ပြည့်ရွှေသင်္ကန်းကပ်လှူ ပူဇော်သွားမည်

ရွှေတိဂုံစေတီတော်ကို လာမည့် စက်တင်ဘာလ ကစတင်ကာ ရွှေသင်္ကန်းကပ်လှူ ပူဇော်သွားမှာဖြစ်ပြီး (၂၀၁၉) မတ်လမှာ အပြီးသတ်လုပ်ဆောင်သွားမယ်လို့ သိရပါတယ်။ရွှေသင်္ကန်းကပ်လှူ နိုင်ဖို့ ရွှေဆိုင်ပေါင်း (၂)သောင်း (၅)ထောင်ကို တင်ဒါခေါ်ယူသွားမယ်လို့ သိရပါတယ်။ တင်ဒါခေါ်ယူရာမှာတော့ ဈေးအနည်းဆုံးနဲ့ သတ်မှတ်စံချိန်၊ စံညွှန်းနဲ့ကိုက်ညီမယ့် ရွှေဆိုင်းကို တင်သွင်း နိုင်မည့် လုပ်ငန်းကို ရွေးချယ်သွားမယ်လို့ သိရပါတယ်။ ရွှေတိဂုံစေတီတော် ရွှေသင်္ကန်းကပ်လှူမှုကို (၅)နှစ်တစ်ကြိမ်ကပ်လှူလေ့ရှိပေမယ့် နောက်ဆုံးအကြိမ် ကပ်လှူခဲ့တာကတော့ (၂၀၁၄-၂၀၁၅) ခုနှစ်မှာ ကပ်လှူခဲ့တယ်လို့ သိရပါတယ်။
နောင်တော်ကြီးစေတီနဲ့ အထက်ပစ္စယံကစေတီတော်  (၆၈)  ဆူကို ပြီးခဲ့ (၂၀၁၇-၂၀၁၈)ခုနှစ်ကကပ်လှူပူဇော်ခဲ့ပြီး အခု (၂၀၁၈) ခုနှစ်မှာတော့ ရွှေတိဂုံစေတီတော်ကို လုံးတော်ပြည့်ရွှေသင်္ကန်းများ ကပ်လှူနိုင်ဖို့ စီစဉ်ခဲ့တာလို့ သိရပါတယ်။ ရွှေသင်္ကန်းကပ်လှူဖို့ကိုတော့ (၂၀၁၄-၂၀၁၅)မှာ ရွှေသင်္ကန်းကပ်လှူပြီးကတည်းက  သီးသန့် အလှူရှင်များရဲ့ လှူဒါန်းမှုများနဲ့ အတူ အများပြည်သူရဲ့စုပေါင်းလှူဒါန်းထားတဲ့ လှူဒါန်းငွေများကိုပါ အသုံးပြုပြီး ကပ်လှူပူဇော်သွားမယ်လို့သိရပါတယ်။
ရွှေတိဂုံစေတီတော်မြတ်ကြီးကို ရွှေသင်္ကန်းကပ်လှူပူဇော်တိုင်း စေတီတော်ရဲ့ ကြံခိုင်မှုကိုစိစစ်လေ့ရှိပြီး ဒီနှစ်မှာလည်း စေတီတော်ရဲ့ ကြံခိုင်မှုတွေကို စိစစ်နေကြပုံစံတွေ ဖြစ်တဲ့ X-Ray နည်း၊ အသံလှိုင်းနည်း၊ သံလိုက်နည်းများနဲ့ စစ်ဆေးသွားမှာ ဖြစ်တယ်လို့ သိရပါတယ်။