ရွှေတစ်ကျပ်သား ကျပ်တစ်သောင်း ခန့်ဈေးဆက်တက်

ပြည်တွင်းရွှေဈေးမှာ ဇူလိုင်လဆန်း ပိုင်းမှစတင်ကာ တဖြည်းဖြည်းမြင့်တက်လျက်ရှိပြီး သီတင်းနှစ်ပတ်အတွင်း အခေါက်ရွှေတစ်ကျပ်သားလျှင် ကျပ်တစ်သောင်းနီးပါး ဈေးတက်ကြောင်း ရွှေဘုံသာ အခေါက်ရွှေ လက်ကားဈေးကွက်အတွင်းမှသိရသည်။
'' ကမ္ဘာ့ရွှေဈေး ကျနေပေမယ့် ပြည်တွင်းမှာက ရွှေကုန်ကြမ်းဝင်ရောက်မှု အားနည်းနေပြီး ဒေါ်လာဈေးက မြင့်နေတာကြောင့် ရွှေဈေးက အမြင့်ပိုင်းမှာ ဆက်ရှိနေပါဦးမယ်'' ဟုရန်ကုန်တိုင်းဒေသကြီး ရွှေလုပ်ငန်းရှင်များအသင်း ဥက္ကဌ ဦးဝင်းမြင့်က ပြောကြားသည်။
ပြီးခဲ့တဲ့ ဇူလိုင်လ ၆ ရက်နေ့က ပြည်တွင်း အခေါက်ရွှေ တစ်ကျပ်သားလျှင် ၉၃၈၀၀၀ ကျပ်၊ ကမ္ဘာ့ရွှေတစ်အောင်စလျှင် ၁၂၅၄ ဒေါ်လာဖြစ်ပြီး မနေ့က ဇူလိုင်လ ၂၅ ရက်နေ့၌ အခေါက်ရွှေတစ်ကျပ်သားလျှင် ၉၄၆၀၀၀ ကျပ်၊ ကမ္ဘာ့ရွှေတစ်အောင်စလျှင် ၁၂၆၀ ဒေါ်လာဖြစ်ကြောင်း ရန်ကုန်တိုင်းဒေသကြီး ရွှေလုပ်ငန်းရှင်များ အသင်းထံမှ သိရသည်။