မေလ၁၅ရက်မှ ၁၈ရက်အတွင်း ထူးကဲမြစ်ရေတက်နိုင်

မေ၁၅ရက်မှ ၁၈ရက်အတွင်း ရန်ကုန်မြစ်တွင် အခြေခံရေစစ်မျဉ်းအထက် ၂၀ဒဿမ ၁၀ပေခန့်မှ ၂၀ဒဿမ၅ပေခန့်အထိ ထူးကဲမြစ်ရေတက်လာဖွယ်ရှိကြောင်း မြန်မာ့ဆိပ်ကမ်းအာဏာပိုင်က သတင်းထုတ်ပြန်ထားသည်။ထိုကဲ့သို့ ထူးကဲမြစ်ရေတက်မှုနှင့် ပတ်သက်ပြီး ၂၀၁၄၊၂၀၁၅ ခုနှစ်တို့တွင် ရန်ကုန်မြစ် အတွင်းအခြေခံ ရေစစ်မျဉ်းအထက် အမြင့်၂၂ပေခန့်ထိ တက်ခဲ့ဖူးသဖြင့် ယခုအခါစိုးရိမ်ဖွယ် မရှိကြောင်း ထုတ်ပြန်ချက်၌ ဖော်ပြထားသည်။
 
ရန်ကုန်မြစ်၏ ခန့်မှန်းဒီရေအမြင့်သည် အခြေခံရေ စစ်မျဉ်းအထက် အမြင့်ပေ၂၀ကျော်လွန်နိုင်သည့်အခါ မြစ်ကမ်းနားဒေသများအနီး နေထိုင်ကြသော လုပ်သားပြည်သူများအား ယင်းကဲ့သို့ သတိပေးထုတ်ပြန်ရခြင်းဖြစ်ကြောင်း မြန်မာ့ဆိပ်ကမ်းအာဏာပိုင်က အသိပေးထားသည်။