နေပြည်တော်နယ်မြေတွင် နှစ်ပေါင်း ၅၀၀ ခန့်အတွင်း လှုပ်ခတ်ခဲ့သည့် ငလျင်ကြိမ်ရေနှင့် အခြားငလျင် သုတေသနအထောက်အထားများရရှိ

နေပြည်တော်ကောင်စီနယ်မြေတွင် နှစ်ပေါင်း ၅၀၀ ခန့်အတွင်းက လှုပ်ခတ်ခဲ့သည့် ငလျင်ကြိမ်ရေနှင့် အခြားငလျင် သုတေသနဆိုင်ရာ အထောက်အထားများရရှိထားကြောင်းမြန်မာနိုင်ငံ မြေငလျင်ကော်မတီ ဒုတိယ ဥက္ကဌ ဒေါက်တာမျိုးသန့်က မြန်မာတိုင်းမ် နေ့စဉ်သို့ ဇန်န၀ါရီ ၂၁ တွင် ပြောဆိုသည်။
 
ဟင်္သာတတက္ကသိုလ် ဘူမိဗေဒဌာန ပေါမောက္ခဒေါက်တာစောငွေခိုင်ဦးစီးပြီး နေပြည်တော်တွင် ဒုတိယအကြိမ်ငလျင် သုတေသနကို ဇန်န၀ါရီ ၁၂ ရက်မှ ၂၁ ရက်အထိနေပြည်တော် ကန်လှရွာဟောင်းကျေးရွာအနီးတွင် ပြုလုပ်အပြီး ယင်းက ပြောဆိုခဲ့ခြင်းဖြစ်သည်။