ဒေါ်အောင်ဆန်းစုကြည်နှင့် ကုလလူသားချင်းစာနာမှုဆိုင်ရာ ဒုတိယညှိုနှိုင်းရေးမှူးတွေ့ဆုံ

နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်နှင့် ကမ္ဘာ့ကုလသမဂ္ဂ လူသားချင်းစာနာထောက်ထားမှုဆိုင်ရာ ညှိုနှိုင်းရေးရုံး (OCHA)၏လက်ထောက်အတွင်းရေးမှူးချုပ် နှင့်အရေးပေါ်ကယ်ဆယ်ရေးဆိုင်ရာ ဒုတိယညှိုနှိုင်းရေးမှူး မစ္စအာရ်ဆူလာမြူလာတို့သည် နေပြည်တော် နိုင်ငံခြားရေးဝန်ကြီးဌာနတွင် ဧပြီ၃ရက်က တွေ့ဆုံခဲ့သည်။
 
ထိုသို့တွေ့ဆုံစဉ် လူသားချင်းစာနာထောက်ထားမှု အကူအညီပေးမည့် အစီအစဉ်များ ဖွံ့ဖြိုးတိုးတက်ရေးနှင့် ချိတ်ဆက်ဆောင်ရွက်ရန် ကိစ္စ၊ပညာရေး၊အမျိုးသမီးများ၏ အခန်းကဏ္ဍမြှင့်တင့်ရေးနှင့် ကုလသမဂ္ဂ နှင့်ပူးပေါင်းဆောင်ရွက်ရေးမြှင့်တင်ရေး နည်းလမ်းများကို ဆွေးနွေးခဲ့ကြောင်း နိုင်ငံခြားရေး ၀န်ကြီးဌာနက သတင်းထုတ်ပြန်သည်။
 
၎င်း၏ လူသားချင်းစာနာမှုဆိုင်ရာ အရေးကိစ္စများအတွက် မြန်မာနိုင်ငံခရီးစဉ်သည် ဧပြီ၂ရက်မှ ၈ရပ်အထိ ကြာမြင့်မည်ဖြစ်သည်။ယင်းခရီးစဉ်အတွင်း ရန်ကုန်နှင့်နေပြည်တော်၌  ပြုလုပ်မည့် အစည်းအဝေးများသို့ တက်ရောက်မည်ဖြစ်ပြီး နေရပ်စွန့်ခွာ တိမ်းရှောင်သူစခန်း များသို့လည်း သွားရောက်မည်ဖြစ်သည်။