ဒေါ်လာဈေးဂယက်ကြောင့် ဆေးဝါးနှင့် လူသုံးကုန်ပစ္စည်းများဈေးတက်

ဒေါ်လာဈေးမြင့်တက်လာခြင်းကြောင့် အခြေခံ လူသုံး ကုန်ပစ္စည်းများ၊ အီလက်ထရွန်နစ်၊ ဆောက်လုပ်ရေး ပစ္စည်းများ နှင့် ဆေးဝါးများ အနည်းဆုံး ၃ ရာခိုင်နှုန်းမှ အများဆုံး ၁၀ ရာခိုင်နှုန်း အထိ ဈေးမြင့်တက်လာကြောင်း လုပ်ငန်းရှင်များက ပြောကြားသည်။
မြန်မာနိုင်ငံ၏လူသုံးကုန်ပစ္စည်းများသည် ဒေါ်လာကို အခြေခံ၍ တွက်ချက်ထားခြင်းကြောင့် ဒေါ်လာဈေးမြင့်တက်ခြင်းကြောင့် ဒေါ်လာဈေးမြင့်တက်ခြင်းနှင့်အတူ ကုန်ပစ္စည်းဈေးနှုန်း များလည်း မြင့်တက်လာကြောင်း အနော်ရထာ စက်မှုဇုန် ဥက္ကဋ္ဌ ဒေါ်စန်းစန်းဝင်းကပြောသည်။
''အလုပ်အကိုင် မကောင်းတဲ့ အထဲ ကုန်ကြမ်းပစ္စည်းတွေက ဈေးတက်တယ်ဆိုတော့ လုပ်ငန်းတွေက တော်တော်ခက်ခဲတယ်'' ဟု စက်မှုထုတ်လုပ်သူများအသင်း တွဲဖက်အတွင်းရေးမှူး ဦးတင့်လှိုင်က ပြောသည်။
ဆေးဝါး ဈေးကွက်တွင်လည်း ဆေး အမျိုးအစား အားလုံးဈေးတက်နေပြီး ဆေးတန်ဖိုး၏ ၃ ရာခိုင်နှုန်းမှ ၇ ရာခိုင်နှုန်းအထိ ဈေးတက်ကြောင်း ဆေးဝါးဖြန့်ဖြူးရောင်းချသူများက ပြောကြားသည်။
ဆောက်လုပ်ရေးလုပ်ငန်းသုံးပစ္စည်းများကို ပြည်ပမှ တင်သွင်းနေရခြင်းကြောင့် ဒေါ်လာဈေးတက်သည့်နှုန်း အတိုင်း မြင့်တက်နေကြောင်း မြန်မာနိုင်ငံ ဆောက်လုပ်ရေး လုပ်ငန်းရှင်များအသင်း အလုပ်အမှုဆောင် ဦးမြဟန်ကပြောသည်။
အီလက်ထရွန်နစ်ပစ္စည်းဈေးများလည်း အများဆုံး ၁၀ ရာခိုင်နှုန်းအထိ ဈေးတက်လာပြီး ကုမ္ပဏီကြီးများ တိုက်ရိုက်ဖြန့်ဖြူး သည့်ပစ္စည်းနှင့် လက်လီရောင်းချသည့် ပစ္စည်းများသည် ဒေါ်လာဈေးအလိုက် တိုက်ရိုက်မြင့်တက်နေသည်ဟု လျှပ်စစ်နှင့် အီလက်ထရွန်နစ် လုပ်ငန်းရှင်များအသင်း ဥက္ကဋ္ဌဦးမြင့်ဇော် ကပြောသည်။
 
Credit - 7 Day နေ့စဉ်