အရည်အသွေးဆိုင်ရာသတ်မှတ်စံချိန်စံညွန်းတွေနဲ့ ကိုက်ညီတဲ့ စပါးတင်း(၁၀၀)ကို ကျပ်ငွေ(၅)သိန်းဈေးနှုန်းကိုအခြေခံပြီး ၀ယ်ယူဖို့ထုတ်ပြန်

မြန်မာနိုင်ငံမှာပထမဆုံး အကြိမ်အဖြစ် အရည်အသွေးပိုင်းဆိုင်ရာ သတ်မှတ် စံချိန်စံညွန်းတွေနဲ့ ကိုက်ညီတဲ့ စပါးတင်း(၁၀၀)ကို ကျပ်ငွေ(၅)သိန်းဈေးနှုန်းကအခြေခံပြီးဝယ်ယူဖို့ မြန်မာနိုင်ငံဆန်စပါး အသင်းချုပ် ကထုတ်ပြန်ကြေညာခဲ့ပါတယ်။ 
မြန်မာနိုင်ငံဆန်စပါး အသင်းချုပ်အနေနဲ့အသင်းဝင်ဆန်စက်တွေ၊ စပါးကုန်သည်တွေ၊ အကျိုးဆောင်တွေနဲ့ ပုဂ်္ဂလိကကုမ်္ပဏီအဖွဲ့အစည်းတွေကို စပါးတင်း(၁၀၀)ကိုငွေကျပ်(၅)သိန်းနှုန်း အပေါ်မှာသာ အခြေခံ ၀ယ်ယူပေးရန် ထုတ်ပြန်ခဲ့တာပါ။ အကယ်၍ ဈေးကွက်ပေါက်ဈေးဟာ အခြေခံဈေးနှုန်းအပေါ်မှာ ဖြစ်ပေါ်ပါက ဈေးကွက်ပေါက်ဈေးအတိုင်းဝယ်ယူဖို့နဲ့ ဈေးကွက်ပေါက်ဈေးဟာ အခြေခံဈေးနှုန်းအောက်ကျဆင်းပါကလဲ အခြေခံဈေးနှုန်းအတိုင်းသာ ၀ယ်ယူဖို့ ထုတ်ပြန်ခဲ့ပါတယ်။ 
 
လုပ်ကွက်ငယ်တောင်သူလယ်သမားများအပါအ၀င် တောင်သူလယ်သမား အများစုစိုက်ပျိုးထားတဲ့ သာမန်စပါးအမျိုးအစားတွေဟာ စပါးပေါ်ချိန်မှာ ဈေးနှုန်းကျဆင်းလေ့ရှိတာကြောင့် တောင်သူလယ်သမားအများစုရဲ့ အကျိုးစီးပွားကို ဦးစားပေးတဲ့အနေနဲ့ ယခုသတ်မှတ်လိုက်တဲ့ အခြေခံဈေးကို ထုတ်ပြန်ခဲ့တာပါ။ ယခုထုတ်ပြန်ခဲ့တဲ့ အခြေခံဈေးနှုန်းဟာ ၂၀၁၈ နွေစပါးပေါ်ချိန်နဲ့ မိုးစပါးပေါ်ချိန်တို့အတွက် အဓိက ရည်ရွယ်ဆောင်ရွက်တယ်လို့လည်း သိရပါတယ်။ စပါးတင်း(၁၀၀)ကို ကျပ်ငွေ(၅)သိန်းဈေးနှုန်းကို အခြေခံပြီးဝယ်ယူဖို့နဲ့ပတ်သက်ပြီး မတ်လ(၆)ရက်က နေပြည်တော်မှာရှိတဲ့ မြန်မာအပြည်ပြည်ဆိုင်ရာကွန်ဗစ်ရှင်းဗဟိုဌာန MICC-2 မှာပြုလုပ်ခဲ့တဲ့ မြန်မာ့ဆန်စပါး ကဏ္ဍဖွံ့ဖြိုးရေးနှီးနှောဖလှယ်ဆွေးနွေးပွဲ၂၀၁၈မှာထုတ်ပြန်ခဲ့တာပါ။
 
အဲဒီအခမ်းအနားကို နိုင်ငံတော်၏ အတိုင်ပင်ခံပုဂ်္ဂိုလ် ဒေါ်အောင်ဆန်းစုကြည်နဲ့ ပြည်ထောင်စုဝန်ကြီးတွေ မြန်မာနိုင်ငံဆန်စပါး အသင်းချုပ်က တာဝန်ရှိ သူတွေ၊ တောင်သူတွေတက်ရောက်ခဲ့ကြပါတယ်။ လက်ရှိ ပေါ်ဆန်းနဲ့ ဧည့်မ ထအုပ်စုစတဲ့အချို့သော အဆင့်မြင့်စပါးအုပ်စုတို့ဟာဈေးကွက်မှာ တင်း(၁၀၀)လျှင် ငွေကျပ်၇သိန်း၊၈သိန်းနဲ့ ၁၀သိန်းကျော်အထိဈေးကောင်းရရှိနေပြီး အဆိုပါစပါးတွေ ကိုတော့ ဈေးကွက် ပေါက်ဈေးအတိုင်းသာဝယ်ယူဖို့ ထုတ်ပြန်ခဲ့ပါတယ်။