ရာသီတုပ်ကွေးမဖြစ်ပွားစေရေး ကြိုတင်ကာကွယ်ကြရန် ကျန်းမာရေးနှင့် အားကစားဝန်ကြီးဌာန သတိပေးချက်ထုတ်ပြန်

ရာသီတုပ်ကွေးရောဂါ မဖြစ်ပွားစေရေး ကြိုတင်ကာကွယ်ထားရန် ကျန်းမာရေးနှင့် အားကစားဝန်ကြီးဌာနက ဇွန် ၂၄ ရက်တွင် သတိပေးချက်များ ထုတ်ပြန်ခဲ့သည်။ ရာသီတုပ်ကွေးရောဂါသည် အသက်ရှူလမ်းကြောင်းမှ တစ်ဆင့် ကူးစက်နိုင်ပြီး နှာချေချောင်းဆိုးတိုင်း ပါးစပ်နှင့် နှာခေါင်းကို လုံအောင်နှာချေရန် ချောင်းဆိုးပြီးချိန်နှင့် ရောဂါလက္ခဏာရှိသူများအား ထိတွေ့ကိုင်တွယ်ပြီး ချိန်တွင် လက်ကိုရေ၊ ဆပ်ပြာဖြင့် စင်ကြယ်စွာ ဆေးကြောရန်၊တုပ်ကွေးရောဂါဖြစ်ပွားသူနှင့် နီးကပ်စွာနေထိုင်ခြင်း၊ လူထူထပ်သော နေရာများသို့ သွားလာခြင်းကို ရှောင်ကြဉ်ရန်နှင့် လုံလောက်စွာ အနားယူပြီး အဟာရပြည့်ဝစွာ အစာစားသုံးရန်လိုကြောင်း အသိပေးထားခြင်း ဖြစ်သည်။
ရာသီတုပ်ကွေးရောဂါလက္ခဏာများဖြစ်ပွားပါက နီးစပ်ရာဆေးရုံ၊ဆေးခန်းများနှင့် ကျန်းမာရေးဌာနများ၌ ကုသမှုခံသင့်ပြီး ကျန်းမာရေးနှင့် အားကစားဝန်ကြီးဌာန ပြည်သူ့ကျန်းမာရေးဦးစီးဌာနအနေဖြင့်လည်း ရာသီတုပ်ကွေးရောဂါမဖြစ်ပွားစေရန် ကြိုတင်ပြင်ဆင်ထားကြောင်း သိရသည်။
ခုခံအားကျကာလသားရောဂါ၊ ကျောက်ကပ်ရောဂါ၊ ပြင်းထန်အဆုတ်တီဘီရောဂါ၊ ဆီးချိုသွေးချို စသည့် အခြားရောဂါအခံရှိသူများနှင့် ရာသီတုပ်ကွေးရောဂါ ပြင်းထန်စွာ ခံစားရနိုင်သော အသက်အရွယ်ကြီးသူများ၊ ကလေးငယ်များ၊ ကိုယ်ဝန်ဆောင် မိခင်များအနေဖြင့် လက်တလော ပြင်းထန်အသက်ရှုလမ်းကြောင်း ရောဂါ လက္ခဏာများ ခံစားရပါက နီးစပ်ရာကျန်းမာရေး ဌာနနှင့် ဆေးရုံ၊ ဆေးခန်းများတွင် အချိန်မီ ထိရောက်စွာ  ကုသမှုခံယူသင့်ကြောင်းလည်း အသိပေးထားသည်။ 
Credit - Myanmar Times