ရန်ကုန်ပင်လယ်ဝတွင် ဆိပ်ကမ်းသစ် တည်ဆောက်မည်ဟု ရန်ကုန်တိုင်းဝန်ကြီးချုပ်ပြော

ကုန်စည်စီးဆင်းမှုကို စနစ်တကျဆောင်ရွက်နိုင်ရန်အတွက် ရန်ကုန်ပင်လယ်ဝဘက်တွင် ကုန်တင်ကုန်ချပြုလုပ်နိုင်မည့် ဆိပ်ကမ်းအသစ်တစ်ခု ထပ်မံတည်ဆောက်မည်ဖြစ်ကြောင်း ရန်ကုန်တိုင်းဝန်ကြီးချုပ်  ဦးဖြိုးမင်းသိန်းက ပြောကြားသည်။
 
ရန်ကုန်ပင်လယ်ဝဘက်တွင် ဆိပ်ကမ်းအသစ် တည်ဆောက်နိုင်ရန်အတွက် မကြာမီ နိုင်ငံတကာ ကျွမ်းကျင်ပညာရှင်များနှင့် လေ့လာဆန်းစစ်မှုများ စတင်ဆောင်ရွက်သွားမည်ဖြစ်ကြောင်း ရန်ကုန်တိုင်းဒေသကြီး အစိုးရအဖွဲ့ထံမှ သိရသည်။
 
ဧပြီလ ၂ရက်နေ့က ရန်ကုန်မြို့မင်းရဲကျော်စွာလမ်းရှိ ကုန်သည်စက်မှု အသင်းချုပ်တွင်ပြုလုပ်သည့် ဒုတိယသမ္မတ(၁)နှင့် မြန်မာ့စီးပွားရေးလုပ်ငန်းရှင်များ ပုံမှန်တွေ့ဆုံပွဲတွင် ဦးဖြိုးမင်းသိန်းက ပြောဆိုခဲ့ခြင်းဖြစ်သည်။
 
့မြန်မာနိုင်ငံ ကမ်းရိုးတန်းဒေသတွင် ဆိပ်ကမ်းပေါင်းကိုးခုခန့်ရှိကာ အချို့ဆိပ်ကမ်းများသည် ကိုလိုနီလက်ထက်ကတည်းက ဆိပ်ကမ်းများဖြစ်ပြီး အဆိုပါဆိပ်ကမ်းကိုးခုထဲမှ ရန်ကုန်ဆိပ်ကမ်းသည် ဖွံဖြိုးအတိုးတက်ဆုံးဖြစ်ကာ မြန်မာတစ်နိုင်ငံလုံး၏ ကုန်စည်၉၀ရာခိုင်နှုန်းခန့်ကို  ရန်ကုန်ဆိပ်ကမ်းတွင်ပင် အတင်အချပြုလုပ်နေခြင်းဖြစ်ကြောင်း တိုင်းအစိုးရအဖွဲ့ထံမှသိရသည်။