မန္တလေးမြို့နေရာ လေးခုတွင် တန်ဖိုးမျှတိုက်ခန်းအိမ်ရာများ တည်ဆောက်မည်

ပုသိမ်ကြီးမြို့နယ်ရှိ သမ္မတော၊ဘိုတပ်ကုန်း၊မဲကင်းကုန်းနှင့် ချမ်းမြသာစည် မြို့နယ်ရှိ ၅၉လမ်းနှင့်မြတ်လေးလမ်းတွင် တန်ဖိုးမျှတ အိမ်ရာတိုက်ခန်းများ တည်ဆောက်မည်ဖြစ်ကြောင်း၊မန္တလေးတိုင်း မြို့ပြနှင့် အိမ်ရာဖွံ့ဖြိုးရေးဦးစီးဌာနထံမှ သိရသည်။
မန္တလေးတိုင်းအစိုးရအဖွဲ့က  သတ်မှတ်ပေးထားသော အဆိုပါလေးနေရာကို မြေအသုံးပြုခွင့်ရရေး လုပ်ဆောင်နေပြီး တည်ဆောက်မည့် ဒီဇိုင်းပိုင်းကို ရေးဆွဲနေကြောင်း မန္တလေးတိုင်း မြို့ပြနှင့် အိမ်ရာဖွံဖြိုးရေးဦးစီးဌာန ညွန်ကြားရေးမှူးဦးသက်နိုင်က ပြောကြားသည်။
 
 
စုစုပေါင်းမြေအကျယ်အ၀န်း ၃၃ဧကခန့်ရှိမည့် အဆိုပါလေးနေရာတွင် တစ်ပြိုင်တည်းတည်ဆောက်မည်ဖြစ်ပြီး ၂၀၁၉ခုနှစ်နှစ်ကုန်ပိုင်းတွင် အပြီးတည်ဆောက်မည်ဖြစ်ကြောင်း၊မန္တလေးတိုင်း၊မြို့ပြနှင့် အိမ်ရာဖွံ့ဖြိုးရေးဦးစီးဌာနထံမှ ထပ်မံသိရသည်။
အဆိုပါတိုက်ခန်းများကို အငြိမ်းစားဝန်ထမ်းများ၊အငြိမ်းစားယူတော့မည့် ၀န်ထမ်းများ၊ကုမ္ပဏီဝန်ထမ်းများ ၊၀င်ငွေနည်းပြည်သူနှင့် အိမ်ရာလိုအပ်ချက်ရှိသူများကို အဓိကရောင်းချပေးရန် မန္တလေးတိုင်း၊မြို့ပြနှင့် အိမ်ရာဖွံ့ဖြိုးရေး ဦးစီးဌာနက စီစဉ်ထားသည်။