မန္တလေးတက္ကသိုလ် လုံခြုံရေးတိုးမြှင့်

လုံခြုံရေးစနစ် အားနည်းသည်ဟုဆိုကာ ဆန္ဒထုတ်ဖော်မှု ဖြစ်ပေါ်ခဲ့ပြီးနောက် မန္တလေးတက္ကသိုလ်၏ လုံခြုံရေးကို တိုးမြှင့်သည့်အနေနှင့် ဇူလိုင်လ ၁၁ ရက်နေ့မှစတင်ကာ တက္ကသိုလ်နှင့် မသက်ဆိုင်သူများနေထိုင်မှုကို တားမြစ်ခဲ့ပြီး တက္ကသိုလ် အနောက်ဘက် ၀င်ပေါက်ကိုလည်း ယာယီပိတ်ထားလိုက်သည်။
မန္တလေးတက္ကသိုလ်သည် မြို့၏ပုံရိပ်ဖြစ်သောကြောင့် တက္ကသိုလ်၏ဥပတိကောင်းမွန်ရေး၊ သန့်ရှင်းသာယာလှပရေးနှင့် လုံခြုံမှုရှိရန်ရည်ရွယ်ကာ ယခုကဲ့သို့စီမံရခြင်းဖြစ်ကြောင်း မန္တလေးတက္ကသိုလ် ဒုတိယပါမောက္ခချုပ် ဒေါက်တာတင်ထွန်းအောင်က ပြောကြားသည်။
တက္ကသိုလ်ဝင်းအတွင်း၌ တက္ကသိုလ်ဝန်ထမ်းများသာမက ကျောက်ဆည်၊ စစ်ကိုင်းပညာရေး၊ မန္တလေးအဝေးသင်၊ မန္တလေးနိုင်ငံခြားဘာသာ တက္ကသိုလ်နှင့် မန္တလာဒီဂရီကောလိပ်မှဝန်ထမ်းများပါလာရောက်နေထိုင်ခြင်းကြောင့် မန္တလေးတက္ကသိုလ်နှင့် မသက်ဆိုင်သူများ နေထိုင်ခြင်းကို တားမြစ်ရခြင်းဖြစ်ကြောင်း၊ ကြိုတင်အသိပေးသည့်အနေနှင့် တက္ကသိုလ်တွင်နေထိုင်ခွင့်ရသူများကို အကြောင်းကြားစာ ပေးပို့ထားကြောင်း၊ ၀န်ထမ်းများ နေရာချထားပေးသည့်အချိန်က ချမှတ်ထားသော စည်းကမ်းများကို လိုက်နာရန်လိုကြောင်း မန္တလေးတက္ကသိုလ်သည် ၀င်ပေါက်နှစ်ခုရှိသည့် အနက် တစ်ခုမှာ ခြောက်လမ်းသွားလမ်းမကြီး အနီးတွင် ရှိသောကြောင့် ယာယီပိတ်ထားရခြင်းဖြစ်ကြောင်း ရှင်းပြသည်။
တက္ကသိုလ်လုံခြုံရေးသည် ဆရာ၊ ဆရာမ၊ ကျောာင်းသူ၊ ကျောင်းသား၊ ၀န်ထမ်းအားလုံးနှင့် သက်ဆိုင်ရာ လက်ရှိအချိန်တွင် ကုမ္ပဏီတစ်ခုနှင့် ပူပေါင်းကာ လုံခြုံရေးလုပ်ငန်းများ ဆောင်ရွက်လျက်ရှိသည်။
 
Credit - The Voice