ဘရက်ဇစ်ဖြစ်စဉ်ကြောင့် စီးပွားရေးအရှိန်မလျှော့ရန် ဗြိတိန်သည် တရုတ်နှင့် ပညာရေး စီးပွားရေး ပိုမိုပူးပေါင်းမည်

ဘရက်ဇစ်ဖြစ်စဉ်ဟုခေါ်သည့် ဥရောပ သမဂ္ဂမှ ဗြိတိန်နုတ်ထွက်ပြီးပါက ကုန်သွယ်ရေးအရှိန်မလျှော့အောင် ထိန်းထားနိုင်ရန်အတွက် တရုတ်နှင့် ပိုမိုချတ်ဆက်နိုင်ရေး ဗြိတိန်ဝန်ကြီးချုပ် ထရီဆာမေသည် ပေကျင်းသို့ သုံးရက်ခရီးရောက်ရှိလျက်ရှိပြီး ပညာရေး စီးပွားရေး ပူးပေါင်းဆောင်ရွက်မှုတိုးမြှင့်ရန် ကြိုးပမ်းလျက်ရှိကြောင်း သိရသည်။
 
ပညာရေးပူးပေါင်းမှုအဖြစ် နှစ်နိုင်ငံသင်္ချာဆရာများ အပြန်အလှန်လဲလှယ်ရေးအစီအစဉ်ကို သက်တမ်းတိုးရန် တရုတ်တွင် အင်္ဂလိပ်စာသင်ကြားရေးအရှိန်မြှင့်ရန် ဗြိတိန်က ကူညီမည့်အစီအစဉ်များပါဝင်သည်။ဗြိတိန် တရုတ်ဆက်ဆံရေး ရွှေခေတ်ထူထောင်မည်ဟု ၀န်ကြီးချုပ်မေက ဆိုသည်။ ဆွေးနွေးမည့်အကြောင်းအရာများထဲတွင် မြောက်ကိုရီးယားရေး ရာသီဥတုပြောင်းလဲမှုအရေးများလည်းပါဝင်မည်ဖြစ်သလို ဟောင်ကောင်အရေးလည်းပါဝင်ကောင်းပါဝင်နိုင်ခြေရှိကြောင်း သိရသည်။
 
ဝန်ကြီးချုပ်မေသည် တရုတ်တမ္မတ ရှီကျင့်ဖျင်နှင့်လည်း တွေ့ဆုံမည်ဖြစ်သည်။ ၀န်ကြီးချုပ်မေ ဦးဆောင်သောအဖွဲ့တွင်စီးပွားရေးလုပ်ငန်းကိုယ်စားလှယ်ပေါင်း ၅၀ ကျော်လည်း ပါဝင်သည်။ ၀န်ကြီးချုပ်မေ၏ တရုတ်ခရီးစဉ်သည် တရုတ်-ဗြိတိန်ကမ္ဘာလုံးချီ မဟာဗျုဟာကျ ပူးပေါင်းဆောင်ရွက်မှုကို တိုးမြှင့်နိုင်မည့်အချိန်အခါကောင်းဖြစ်သည်ဟု တရုတ်နိုင်ငံခြားရေးဝန်ကြီးဌာနကလည်း ထုတ်ပြန်ပြောကြားထားသည်။