တိုင်ကြားထားသည့် အဂတိလိုက်စားမှု ၁၈မှုကို စုံစမ်းစစ်ဆေးနေကြောင်း အဂတိလိုက်စားမှု တိုက်ဖျက်ရေး ကော်မရှင်ထုတ်ပြန်

တိုင်ကြားထားသည့် အဂတိလိုက်စားမှု ပေါင်း၁၈မှုအား စုံစမ်းစစ်ဆေးနေကြောင်း အဂတိလိုက်စားမှုတိုက်ဖျက်ရေး ကော်မရှင်က မေ၁၃ရက်တွင် သတင်းထုတ်ပြန်သည်။
 
အဂတိလိုက်စားမှု တိုက်ဖျက်ရေးကော်မရှင်သည် အဂတိလိုက်စားမှုနှင့် စပ်လျဉ်း၍ စုံစမ်းစစ်ဆေးရေးအဖွဲ့ ခြောက်ဖွဲ့ဖြင့် ဖွဲ့စည်းကာ  စုံစမ်းစစ်ဆေးရေး လုပ်ငန်းများကို ဆောင်ရွက်လျက်ရှိကြောင်း ၊ထို့အပြင် တိုင်ကြားစာများနှင့်ပတ်သက်၍ သတင်းအချက်အလက်များ ပြည့်စုံစွာရရှိစေရန်အတွက် ကြိုတင်စုံစမ်းမှု ၁၈မှုကိုလည်း ဆောင်ရွက်လျက်ရှိကြောင်း ထုတ်ပြန်ချက်တွင် ဖော်ပြထားသည်။
 
အဂတိလိုက်စားမှု တိုက်ဖျက်ရေးဥပဒေ၊နည်းဥပဒေပါ ပြဋ္ဌာန်းချက်များနှင့် အညီကော်မရှင်က စစ်ဆေးဆဲအမှုများကို လျှို့ဝှက်ထားရှိဆောင်ရွက် နေရပါသဖြင့် အမှုဖြစ်စဉ်များကို အသေးစိတ် မထုတ်ပြန်နိုင်သေးကြောင်း ထုတ်ပြန်ချက်တွင် ဖော်ပြထားသည်။