ဌာနဆိုင်ရာတွေက ပြန်လည်စွန့်လွှတ်မြေဧက(၂၅၀)ကျော်ကို တောင်သူများသို့ ရန်ကုန်တိုင်းဒေသကြီးအစိုးရပေးအပ်

ဌာနဆိုင်ရာတွေက ပြန်လည်စွန့်လွှတ်ပေးခဲ့တဲ့ ရန်ကုန်တိုင်းဒေသကြီးအတွင်းက မြေဧက(၂၅၀) ကျော်ကို ရန်ကုန်တိုင်းဒေသကြီးအစိုးရအဖွဲ့က မူလတောင်သူများသို့ ပေးအပ်ပွဲအခမ်းအနားကို ဇန်န၀ါရီ ၃၀ရက်က တိုင်းအစိုးရအဖွဲ့ရုံးမှာ ပြုလုပ်ပါတယ်။ ယခင်က ရန်ကုန်တိုင်းဒေသကြီးအတွင်းရှိ တောင်သူတွေဆီကနေ ဌာနဆိုင်ရာတွေက သိမ်းဆည်းထားတဲ့ လယ်ယာနဲ့မြေတွေကို ရန်ကုန်တိုင်ဒေသကြီးအစိုးရအဖွဲ့က မူလတောင်သူတွေဆီကို ပြန်လည်ပေးအပ်ခဲ့တာပါ။
 
တိုင်းဒေသကြီးအတွင်းက  မြို့နယ်(၅)ခုက လယ်မြေဧက(၂၅၀)ကျော်ကို ပြန်လည်ပေးအပ်တာ ဖြစ်ပါတယ်။ ဒီလယ်မြေတွေကို ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းက ဦးဆောင်ပြီး မူလတောင်သူ (၄၄)ဦးဆီကို အခမ်းအနားနှင့် ပြန်ပေးခဲ့တာပါ။ ပြန်လည်လုပ်ပိုင်ခွင့်ပေးခဲ့တဲ့ သိမ်းဆည်းခံလယ်ယာမြေတွေဟာ အလုံ၊ ရွှေပြည်သာ၊ တိုက်ကြီး၊ မှော်ဘီ၊ ထန်းတပင်စတဲ့ မြို့နယ်(၅)ခုကဖြစ်ပြီး ကျန်မြို့နယ်တွေနဲ့ တောင်သူတွေရဲ့ လယ်ယာမြေတွေကို နောက်ပိုင်းမှာ ဆက်တိုက်ဆိုသလို ခုလို ပြန်လည်ပေးအပ်သွားမှာ ဖြစ်တယ်လို့လည်း ၀န်ကြီးချုပ်က ပြောကြားခဲ့ပါတယ်။
 
ဝန်ကြီးချူပ်ဦးဖြိုးမင်းသိန်းဟာ ရန်ကုန်တိုင်းဒေသကြီး လယ်ယာမြေနဲ့ အခြားမြေများ သိမ်းဆည်းခံရမှုများ ပြန်လည်စိစစ်ရေးကော်မတီ ဥက္ကဋ္ဌအဖြစ် တာဝန်ယူလုပ်ကိုင်နေတာ လည်းဖြစ်ပြီး ခုလိုလုပ်ဆောင်ဖို့ တိုင်းအစိုးရအဖွဲ့က ပြည်ထောင်စုကို တင်ပြပြီး လယ်ယာမြေအသီးသီးကို အဆင့်ဆင့်သေချာ ပြန်လည်စိစစ်ကာလုပ်ဆောင်ခဲ့တယ်လို့လည်း သိရပါတယ်။ ဒါ့ပြင် ဒီလယ်ယာမြေတွေအတွက် ယာယီလုပ်ပိုင်ခွင့်လက်မှတ် ပုံစံ(၃)ကို လည်းပေးအပ်ခဲ့ပြီး သိမ်းဆည်းခံလိုက်ရတဲ့ လယ်ယာမြေတွေ အားလုံးပြန်မရသေးပေမယ့် ခုလို အစိုးရက တရားဝင်လုပ်ပိုင်ခွင့်နှင့်အတူ ပြန်လည်ပေးအပ်နေလို့ ၀မ်းမြောက်မိတယ်လို့ တောင်သူတွေက ပြောပါတယ်။
 
အလုံမြို့နယ်က (၀.၅၀၄) ဧကကို လျှပ်စစ်နှင့် စွမ်းအင်ဝန်ကြီးဌာန၊ ရွှေပြည်သာမြို့နယ်က (၁၆၉.၈၉)ဧကကို မြန်မာ့သစ်လုပ်ငန်း၊ တိုက်ကြီးမြို့နယ်က ၀.၃၇၆ ဧကကို မွေးမြူရေးနှင့်ကုသရေး ဦးစီဌာန၊ မှော်ဘီမြို့နယ်က(၅၇.၆၂)ဧကကို မြန်မာသစ်လုပ်ငန်း၊ လေထီးသင်တန်းကျောင်း၊ ပင်မထောက်ပံ့ရေးတပ်၊ စမရ(၇၀၆)၊ ထန်းတပင်မြို့နယ်က(၂၅.၀၃)ဧကကို စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ လျှပ်စစ်နှင့် စွမ်းအင်ဝန်ကြီးဌာနတို့မှ ပြန်လည်စွန့်လွှတ်လွှဲပြောင်း ပေးအပ်ခဲ့တာဖြစ်ပါတယ်။ အခမ်းအနားကို တိုင်းအစိုးရအဖွဲ့၊ တိုင်းလွှတ်တော်ဥက္ကဋ္ဌနဲ့ လွှတ်တော် ကိုယ်စားလှယ်တွေ၊ ဌာနဆိုင်ရာတွေ၊ သက်ဆိုင်ရာမြို့နယ်တွေက မြို့နယ်အုပ်ချုပ်ရေးမှူးတွေ တက်ရောက်ခဲ့ကြပါတယ်။