စက်တင်ဘာကနေ နိုဝင်ဘာလကုန်ထိ အယ်နီညို ဖြစ်ဖို့ (၅၀) ရာခိုင်နှုန်းကျော် သေချာ

ကမ္ဘာ့မိုးလေ၀သ အဖွဲ့ချုပ်နှင့် အမေရိကန်ပြည်ထောင်စုက အယ်နီညို စောက်ကြပ် ကြည့်ရှုရေး အဖွဲ့ နိုဝါက ထုတ်ပြန်ချက်အရ စက်တင်ဘာကနေ နိုဝင်ဘာလကုန်ထိ အယ်နီညိုဖြစ်ဖို့ (၅၅) ရာခိုင်နှုန်းကနေ (၆၀) ရာခိုင်နှုန်းရှိတယ်လို့ ထုတ်ပြန်ထားပါတယ်။ အခုနှစ်ဒီဇင်ဘာကနေ လာမယ့် (၂၀၁၉) ဇန်န၀ါရီ နှင့် ဖေဖော်ဝါရီမှာလည်း အယ်နီညိုဖြစ်ဖို့ (၇၀) ရာခိုင်နှုန်း ရှိနေတယ်လို့လည်း ဆိုပါတယ်။ 
အမေရိကန်ပြည်ထောင်စု အယ်နီညို စောင့်ကြပ်ကြည့်ရှုရေး အဖွဲ့က ပစိဖိတ်သမုဒ္ဒရာရဲ့ အရှေ့ဖက် အီကွေတာတစ်လျှောက်မှာ ဧရိယာ (၄) ခုသတ်မှတ်ပြီး ဧရိယာတစ်ခုချင်းစီမှာ ပင်လယ်ရေမျက်နှာပြင် အပူချိန်ပြောင်းလဲမှုကို စောင့်ကြည့်လေ့လာမှုအရ (၀.၂) ဒီဂရီစင်တီဂရိတ်ကနေ (၀.၄) ဒီဂရီစင်တီဂရိတ်ထိ ရှိနေတယ်လို့ သိရပါတယ်။ အယ်နီညိုဟာ (၀.၅) ဒီဂရီစင်တီဂရိတ်မှာ ဖြစ်ပေါ်တာကြောင့် အခုလို ထုတ်ပြန်ခဲ့တယ်လို့ သိရပါတယ်။ အယ်နီညိုအားကောင်းရင် ဆောင်းတွင်းက အအေးပေါ့နိုင်ပြီး နွေရာသီမှာတော့ အပူလွန်ကဲ နိုင်မှာဖြစ်တယ်လို့ သိရပါတယ်။ အယ်နီညိုကြောင့် လွန်ကဲရာသီ ဥတုဖြစ်စဉ်တွေ ဖြစ်ပေါ်နိုင်လို့ ဂရုပြုဖို့ ကိုလည်း မိုးလေ၀သပညာရှင် ဒေါက်တာထွန်းလွင်က သတိပေးထားပါတယ်။ အယ်နီညို ဖြစ်စဉ်ဟာ တစ်နှစ်ခန့်ကြာမြင့်နိုင်ပြီး တစ်ချို့နှစ်တွေမှာ (၁၈) လခန့် ကြာမြင့်နိုင်တယ်လို့ သိရပါတယ်။