ကိုရီးယားနှစ်နိုင်ငံကြား ဆက်ဆံရေးတိုးတက်လာ၍ တောင်ကိုရီးယား လက်နက်ကင်းမဲ့ဇုန်ဝန်းကျင် မြေ၀ယ်ယူမှုမြင့်တက်

 
တောင်ကိုရီးယားနှင့် မြောက်ကိုရီးယားတို့ကြား ငြိမ်းချမ်းရေးဆွေးနွေးပြီး တင်းမာမှုများလျော့ချရေး သဘောတူညီခဲ့ပြီးနောက် ဆိုးလ်မြို့ရှိ လူကုံထံများနေထိုင်သော ဂန်းနမ်ရပ်ကွက်တွင် မဟုတ်ဘဲမထင်ရသည့် နေရာတစ်ခု၌ မြေဈေးများ မြင့်တက်လာခဲ့ပြီဖြစ်သည်။
 
ကိုရီးယားနှစ်နိုင်ငံကို ပိုင်းခြားထားသည့် လက်နက်ကင်းမဲ့ဇုန်တစ်ဝိုက်ရှိ လူနေကျဲပါးသော ကျေးလက်ဒေသများနှင့် မြို့ငယ်များတွင် မြေ၀ယ်ယူမှုများရှိလာခဲ့သည်။လက်နက်ကင်းမဲ့ဇုန်တစ်ဝိုက်သို့ လူနှင့်ရင်းနှီးမြှုပ်နှံမှုများလည်း များစွာဝင်ရောက်လာခဲ့သည်။
 
လက်နက်ကင်းမဲ့ဇုန်ထဲသို့ အများပြည်သူဝင်ရောက်ခွင့်မရှိသော်လည်း ဇုန်အပြင်ဘက်ရှိမြေများနှင့် နယ်စပ်ဒေသများတွင် မြေများကိုဝယ်ယူကာ မှတ်ပုံတသ်နိုင်ပြီဖြစ်သည်။မြောက်ကိုရီးယား၏ ကြီးကြပ်မှုအောက်ရှိ ငြိမ်းချမ်းရေးကျေးရွာ ပန်မွန်ဂျုန်သို့ ၀င်ရောက်ရာဖြစ်သည့်ပါဂျူးမြို့ရှိ မြေ၀ယ်ယူမှုဆိုင်ရာ အရောင်းအ၀ယ်လုပ်ဆောင်မှုသည် မတ်တွင် ၄၆၂၈အထိမြင့်တက်ခဲ့ကြောင်း အစိုးရမှတ်တမ်း များတွင်ဖော်ပြထားသည်။
 
 
နယ်စပ်တောင်ပိုင်းရှိ နောက်ဆုံးဘူတာဖြစ်သည့် ဒိုရာဆန်ဘူတာရှိနေသည့် ဂျန်ဒန်မြွန်ရှိမြေအရောင်းအ၀ယ်ဖြစ်မှုသည် ယခုနှစ်အစောပိုင်းမှစပြီး လေးဆမြင့်တက်ခဲ့သည်။ဇုန်နားတစ်ဝိုက်ရှိ မြေများကို ပိုင်ဆိုင်သူများသည် ကိုရီးယားစစ်ပွဲမဖြစ်မီက ဘိုးဘွားပိုင်မြေများကို အမွေဆက်ခံသူများနှင့် ရင်းနှီးမြှပ်နှံသူများဖြစ်ကြကြောင်း အိမ်ခြံမြေလုပ်ငန်းရှင် ကင်ယွန်ဆစ်ကပြောဆိုခဲ့သည်။